文青必去嘅15間香港書店
1. Taschen
Taschen Tai Kwun Hong Kong bookstores
Taschen 位於中環大館
嚟自德國嘅藝術書店 Taschen 已經進駐大館。你喺 Taschen 會搵到出自著名畫家同設計師嘅高質書籍，種類亦都非常廣泛，有寫真集、建築學、18禁、同性戀、野史、音樂、兒童書本，應有盡有。去完 Taschen 之後不妨同朋友喺附近食個午飯啦！我哋已經幫你搜羅咗中環一帶最正嘅午餐。
Taschen，中環荷李活道10號大館01-G02舖，電話：2544 8018
2. 清明堂 (Bleak House Books)
Bleak House Books Hong Kong bookstore Kowloon
清明堂嘅寧靜令人沈醉
由兩位前律師與歷史學家成立嘅清明堂 (Bleak House Books) 係香港嘅獨立書店之一，以賣英文二手書為主。佢哋嘅藏書齊全，由懷舊印刷到硬皮小說都有，可以話係麻雀雖小，五臟俱全！Bleak House Books 原址喺觀塘，而家搬到新蒲崗，大家有機會就到訪一下喇。
可以睇睇我哋同清明堂 Bleak House Books 嘅英文採訪。
清明堂 (Bleak House Books)，新蒲崗八達街9號威達工貿商業中心27樓5號鋪，電話：3705 0251
3. Books & Co.
Books Co Hong Kong bookstore books independent bookstores secondhand books graphic novels
Books & Co. 距離西營盤地鐵站C出口大約一分鐘，非常方便
Books & Co. 座落於半山，係一間小型書店兼cafe。你可以嗌一杯咖啡，然後坐低靜心睇書。我哋鍾意 Books & Co. 寧靜嘅環境，而且佢哋嘅職員好友善，願意俾客人坐幾個鐘，靜心閱讀。
Books & Co.，半山柏道10號，電話：2559 5199
4. 比比書屋
Bei Bei Bookstore Hong Kong bookstore books independent bookstores secondhand books graphic novels
店名取自店主嘅愛犬比比
比比書屋隱藏喺元朗，由一對信奉慢活嘅佛系情侶經營。呢間書店嘅特別之處在於客人每捐一本書，就可以換嚟店主親自煮嘅免費午餐，食材亦都係店主自家製作，好有心㗎。比比書屋淨係星期五六先開，所以大家出發之前記得留意翻喇！
比比書店，錦田大江埔村67號，電話：5225 4119
5. 序言書室
Hong Kong Reader Bookstore Hong Kong bookstore books independent bookstores secondhand books graphic novels
序言書室歡迎客人喺呢度進行學術交流
呢間書店有中英文嘅文學書、哲學書、政治學書，應有盡有。揭一揭序言書室入面豐富嘅學術書，都會覺得自己變咗古代儒生！店主希望締造一個舒服嘅空間，俾大家可以靜靜睇書，探討對宇宙嘅疑惑同心入面嘅各種糾結。
序言書室，旺角西洋菜南街68號7樓，電話：2395 0031
6. Kelly & Walsh
Kelly Walsh Hong Kong bookstore books independent bookstores secondhand books graphic novels
無論係小說定係勵志書，喺 Kelly & Walsh 搵本好書絕對唔難
Kelly & Walsh 早在 1870 年代已經喺上海開始活躍，現家更加擴闊版圖去到日本橫濱、新加坡同香港。由封面搶眼嘅時裝設計書，到平淡務實嘅文學經典，Kelly & Walsh 都可以滿足你對文化同學術嘅追求。我哋鍾意呢間書店溫馨又舒服嘅氣氛，分分鐘喺呢度 hea 足成日都得呀！
Kelly & Walsh，金鐘金鐘道88號太古廣場204號鋪，電話：2522 5744
7. 艺鵠
Art Cultural Outreach Hong Kong bookstore books independent bookstores secondhand books graphic novels
艺鵠嘅內部裝潢簡潔光猛
位於富德樓嘅獨立書店艺鵠出名收藏比較另類嘅書，包括寫真集、詩集同圖畫書。艺鵠亦都同時熱心推廣香港各區嘅文化活動同藝術展覽，係眾多文青嘅必到書店。
艺鵠，灣仔軒尼詩道365-367號富德樓14樓，電話：2893 4808
8. 莉莉書屋 (Flow Books x Lily Bookshop)
Flow Books 同莉莉書屋幾年前開始合租
每當我哋想買二手書，莉莉書屋呢間獨立書店一定係我哋嘅首選。好難想像喺上環會有一間咁感覺隱世嘅書店呢？雖然店面唔大，佢哋嘅藏書量卻係非比尋常，周地都係關於歐洲歷史、中國文學同性別研究等等嘅二手書。所以呢度唔止係我哋鍾意嘅二手書店，更加係我哋可以脫離喧嘩嘅避風塘。
莉莉書屋 (Flow Books x Lily Bookshop)，上環皇后大道中189-205號啟豐大廈1樓F及G室，電話：2964 9483
9. Bookazine
Bookazine 係一間家族企業，三十幾年前成立
雖然身為英式書店，Bookazine 都會努力支持香港本地嘅作家同作品。除咗紐約時報嘅暢銷書外，他們亦都有賣心意卡、料理書、擺設、零食等等，係一家人嘅週末好去處。
Bookazine 喺香港有多間分店
10. Kubrick
喺 Kubrick 入面不乏中英文嘅文學經典、圖像小說同製片教科書
Kubrick 係大家培養品味嘅好地方，店入面有唔少電影原聲帶、非小說、黑膠唱片、家居雜誌等等。無論係 Fantagraphics 嘅圖像小說定係傳奇詩人北島嘅作品集，Kubrick 嘅收藏絕對唔會令各位書迷失望。另外，買完書嘅你仲可以喺連接住書店嘅 cafe 度一邊睇書，一邊嘆翻杯咖啡添。
Kubrick，油麻地眾坊街3號駿發花園H2地舖，電話：2384 8929
11. Clark’s Comics
從店鋪外面可以見到一排排嘅蝙蝠俠模型
創立於1993年嘅 Clark’s Comics 不知不覺間已經變咗全港最大嘅漫畫批發商，除咗漫畫之外仲有模型同玩具任君挑選。由 Marvel 到 DC，佢哋集齊世界各地嘅熱門漫畫，受到眾多香港漫畫 fans 嘅熱愛。想買漫畫嘅話就幫襯 Clark’s Comics 啦！
Clark’s Comics，銅鑼灣糖街15-23號銅鑼灣中心地庫B7號鋪，電話：2890 7718
12. Parenthèses
Parenthèses 會不定期舉行新書簽名會同工作坊
位於中環嘅 Parenthèses 專門出售法文書（趁機告白 Guy Delisle 先！），有雜誌、教科書、旅遊書、圖像小說，甚至法國電影 CD。埋頭鑽研法文嘅各位，係時候嚟呢度買翻本《小王子》同《異鄉人》喇！
Parenthèses，中環威靈頓街14-24號威靈頓公爵大廈2樓，電話：2526 9215
13. Vibe
Vibe 前身叫做 Imprint，曾經因為鋪頭出面冇招牌而被稱為梅窩出名嘅「無名書店」
創於2006年的Imprint隱藏於梅窩，由最初不起眼的獨立書店演變成今天眾多本地書迷的至愛。店主Terry Boyce深信逛實體書店能令我們體會到偶然遇上好書的喜悅，並珍惜與每一本書的緣分。的確，網購不能提供這種幸福的感覺。
呢間鋪頭可以話係書迷同音樂迷嘅天堂！隱藏喺梅窩嘅 Vibe，前身叫做 Imprint，曾經因為鋪頭出面冇招牌而被稱為梅窩出名嘅「無名書店」。前老闆 Terry Boyce 喺2018年將 Imprint 轉讓俾了 Gary Brightman 之後，新老闆就將書店改名做 Vibe，而且終於加翻個招牌喇。呢度而家提供英文、中文、法文同其他唔同語言嘅暢銷書同新書，仲歡迎本地作家同作曲家喺呢度販賣佢哋自己嘅文學同音樂作品添。
Vibe，大嶼山梅窩銀礦中心大廈E號舖，電話：9088 2370
14. 誠品書店
誠品喺銅鑼灣嘅分店係全香港最大嘅書店
身為台灣最出名嘅書店，誠品喺2012年拓展嚟香港，喺銅鑼灣起咗佢哋海外第一間分店。喺希慎廣場八至十樓嘅誠品可謂應有盡有：文具、專門書、DVD，甚至係喫茶店。一唔留神，你可能已經喺誠品行咗半日。我哋亦都好鍾意幫襯誠品裏面嘅零售店，間唔中都會買一本 Moleskine 筆記或者手工耳環㗎。
誠品喺香港有幾間分店
15. 本書店
去本書店買一本藝術雜誌培養品味
座落於尖沙咀海傍香港藝術館入面嘅本書店係一間藝術書店，櫃上排列住世界各地嘅繪本、視藝書、圖像小說等等。你可以嚟呢度買美輪美奐嘅刊物，搜羅送禮用嘅精品，又或者參觀佢哋嘅藝術展覽。臨走前記得去Hue 食個晏、嘆個靚景啊！
本書店，尖沙咀梳士巴利道10號香港藝術館地下，電話：2886 2611
Mosses （暫停營業）
Mosses Hong Kong bookstores Wan Chai
Mosses 香港最新的書店之一
Mosses 內隱藏着眾多香港絕無僅有的書籍和刊物，某些絕版寫真集更是索價過萬元。店主故意不將書本分類，以鼓勵讀者在這片文化沙漠中的綠洲尋覓僅屬自己的書。想購買稀有書本就去 Mosses 吧。旁邊的 Odd One Out 是我們喜歡的畫廊，去完 Mosses 後到旁邊買一本藝術雜誌也不錯。
Mosses, 灣仔聖佛蘭士街14號, 電話： 2351 2098
扫码 + 微信客服
